 |
| Ποντιακά Σατυρικά «Δύσ...τυχα» με όλη την επικαιρότητα! |
του Ευθ. Σαββουλίδη
1. Εφέκε μας κι εδέβεν πλάν, εκείνος ο Γριβέας,
και σα Λονδίνα λάσκεται, εγέντον ξενιτέας.
Και η γαρήνατ’ έν σιμά, για κάτ’ εφτάει ατός,
εφοέθεν γιάμ’ κάτ’ ίνεται με ίναν καμαριέραν.
2. Ο Λιάπης πα ο άκλερον, εποίκεν κακοσίνας,
όπως εφτάνε τα μωρά, μωρουδιακά δουλείας.
Άχ, τίναν είχαμ’ Υπουργόν, νουνίζ’ είνας και άλλος,
ο νούς ατ’ πα ατόσον κόφτ’ επήεν Μαλαισίαν.
3. Τον Άγγελον πα είπα τον, ορία πάς Τουρκία,
κάθκα σο σπίτι σ’ άκλερε, να έρται η Εφορία.
Εκείνος όμως κι έξεμε, εσκώθεν εδέβεν πλάν,
βαρκίζ’ ατώρα πάρτε με, θα δίγω την παράν.
4. Ατώρα έρθεν η σειρά, να ψάλουμε τον Άκην,
«Θεέμ, Θεέμ, ντο είν ατά, που έρθαν σο κιφάλιμ’.
Εγώ εδίνα την παράν, να εφτάνε την δουλείαν,
κι ατοίν επήγαν είπανε, όλα σην Εφορίαν».
5. «Ατώρα οπίσ’ σα σίδερα, τερώ τον ουρανόν,
και το κιφάλι μ’ τ’ εύκαιρο, κρούω ο παλαλόν.
Θυμούμαι και τα παλαιά, που έμνε ο τρανόν,
και εξωπίσιμ’ έτρεξεν, και όλον ο Λαόν».
6. «Εγώ ας λέω το σωστό, εποίκα παλαλοσίνας,
ετότες για να γυναικίζω εγώ, επήγα στην Γαλλίαν.
Στην Εγκλεσίαν πα απές, εντούνεν την καμπάναν,
είνας πολλά πα άσκεμος, έτον ο Κουασιμόδον»!
Πηγή: Πτολεμαίος